Gipahibalo sa World Health Organization (WHO) nga posibleng adunay nahitabo nga human-to-human transmission sa hantavirus outbreak nga natala sa usa ka cruise ship.
Si Dr. Maria Van Kerkhove, Director sa Department of Epidemic and Pandemic Management, miingon nga kini posibleng nahitabo ilabi na sa mga suod nga kontak sa barko.
Sa pagkakaron, 3 na ang natala nga namatay tungod sa maong outbreak ug usa ang gi-evacuate aron matambalan.
Ang WHO nagpadayon sa imbestigasyon ug nag-awhag sa mas hugot nga pagmonitor aron malikayan ang dugang nga pagkaylap sa virus. (Phillip Ariata)
