Gipahunong una ni US President Donald Trump ang military escort mission sa Strait of Hormuz taliwala sa nagkaduol nga kasabutan tali sa Estados Unidos ug Iran.
Gibutyag sa Presidente nga nakab-ot ang “great progress” sa negosasyon, hinungdan nga gi-hold una ang operasyon aron hatagan og higayon ang kalinaw.
Kini nga lakang migawas human ang paningkamot sa Pakistan ug uban pang mga nasod nga nagsilbing mediator aron pakunhuron ang tensyon sa maong shipping lane.
Bisan pa man niini, magpabilin gihapon ang hugot nga naval blockade sa Amerika sa mga pantalan sa Iran hangtod nga wala pa’y pinal nga pirmahanay nga mahitabo.
Giisip karon sa mga eksperto nga kini nga “brief pause” maoy mahimong sukdanan kon seryoso ba ang Tehran sa pagtuman sa mga kondisyon alang sa kalinaw sa Middle East. (jane abulag)
