“There was no attack.”
Kini ang reaksyon ni PNP-CIDG Director Major General Robert Morico II human nanggawas ang mga espekulasyon nga duna silay gilunsad nga pag-atake sa Senado.
Giklaro ni Morico nga gawas nga relax ra ang atmospera sa palibot, duna sab checkpoints ug full access ang Senate Security sa tanang CCTV cameras.
Pinaagi niini, dali ra makumpirma sa maong buhatan kon duna ba silay giandam nga assault, mga hagdanan, o mga eksplosibo.
Imbis nga magpadala sa kahadlok, gidasig sa hepe ang maong ahensya nga mas maayong mangutana direkta kanila aron makuha ang kamatuoran.
Sa pagtapos, iyang gipasalig nga hapsay ug abli ang linya sa komunikasyon tali sa CIDG, NBI, ug sa GSIS Security alang sa unsa mang koordinasyon. (JANE ABULAG)
