Nanawagan si PNP-CIDG Director Major General Robert Morico II sa Office of the Senate Sergeant-at-Arms o OSSAA nga mokooperar na sa ilang buhatan aron daling masulbad ang pagpamusil sa Senado.
Giaghat sa opisyal ang OSSAA nga moatubang kanila aron mahatagan og kahigayonan nga makapatin-aw ug aron magpabiling patas ang dagan sa imbestigasyon.
Matud ni Morico, kung wala silay gitago nga impormasyon, angay lang nga magpa-imbestiga sila og tarong alang sa katin-awan sa kaso.
Giingon pa niya nga mas maayong sundon sa OSSAA ang gihimong lakang sa NBI ug GSIS Security nga abri ug daling nakig-alayon sa mga otoridad.
Gipahimangnoan sa CIDG nga ang maong kooperasyon maoy yawe aron mahatagan og dinaliang hustisya ang mga biktima sa krimen. (jane abulag)
