Nadayagnos sa hamstring injury sa iyang tuo nga paa ang Filipino-American rookie nga si Dylan Harper atol sa Game 2 sa Western Conference Finals kontra San Antonio Spurs ug Oklahoma City Thunder.
Ang insidente nahitabo sa ikatulong quarter dihang misulay siya’g drive sa layup batok kang Ajay Mitchell ug Shai Gilgeous-Alexander apan pagkanaog kalit kining nahulog ug nakasinati sa kasakit sa likod sa hita.
Gisulayan pa atleta nga molakaw pabalik sa bench apan gipahunong siya sa medical staff ug gidala diretso sa locker room alang sa evaluation.
Sa 25 minutos nga iyang dula, nakapuntos kini’g 12 kuyog ang 3 assists ug 2 rebounds.
Bisan pa sa injury, bag-o lang usab siyang napili isip NBA All-Rookie First Team, nga nagpakita sa iyang kusog nga pagsugod sa liga.
Sa Game 1, nagpakita’g impresibong double-double performance si Harper nga mibitbit sa 24 points, 11 rebounds, 6 assists ug 7 steals.
