Gi-klaro sa mga imbestigador sa South Korea nga peke ug walay kamatuoran ang mga alegasyon nga nagka-relasyon si Kim Soo-hyun ug ang namatay nga aktres nga si Kim Sae-ron, samtang menor de edad pa kini.
Subay sa impormasyon, gigamit ang AI-generated nga tingog ug gi-manipular nga mga screenshots aron ipakita nga tinuod ang mga akusasyon.
Nasayran sa Seoul Gangnam Police nga ang YouTube channel nga “HoverLab” o Garo Sero Institute mao ang nagpagawas sa mga peke nga KakaoTalk chats ug audio recordings.
Nadiskobrehan usab sa mga otoridad nga ang admin sa social media channel nasayud nga peke ang ilang gipakatap nga video aron dauton ang imahe sa aktor ug makakwarta sa YouTube.
Tungod niini, midason ug nagpagula ang Seoul Central District Prosecutors’ Office sa arrest warrant batok sa tag-iya sa youtube channel nga si Kim Se-eui.
Sa pagkakaron, nag-atubang na kini sa kasong illegal distribution of materials.
Hisayran nga daghang proyekto ni Kim Soo-hyun ang nakanselar tungod sa kontrobersiya, samtang nagpaabot ang fans sa iyang pagbabalik sa spotlight human mapamatud-an nga peke ang mga akusasyon.
