Gi-aksyunan dayon ni Presidente Ferdinand Marcos Jr ang suliran sa toxic waste ug kalit nga pagdilaab sa kalayo sa landfill area sa Obando, kung grabe ang kainiton sa adlaw.
Sa iyang personal nga pagbisita sa Bulacan, iyang gisaad nga maalibyuhan ang maong suliran gikan sa grabeng binukid nga basura.
Gibutyag sa president nga laraw niyang magtukod sa temporaryong access road aron makaagi ang dump trucks nga magdala sa yuta aron tabunan ang basuran.
Gani sa iyang pag-inspection, iyang gibana-bana nga muabot sa duha ka andana ang gitas-on sa basura mao nga ang kalayo misangko hangtod sa ubos, ug dili kaya sa fire truck nga basaan lang kini.
Gisaad ni Marcos ang hugot nga pagbantay sa maong lugar ilabe nga grabe ang kainiton ning panahon sa El Nino.
Dungan sa iyang pagbisita iya usab gitunol ang mga ayuda gikan sa Socio-Civic Projects Fund (SCPF), alang sa mga kwalipikadong residente nga makadawat sa tag 10 kilo nga bugas sulod sa 2 ka bulan, o 6 ka beses sa usa ka tuig.
Pinaagi sa Local Government Support Fund (LGSF) ang Brangay Chief Executive makadawat sa P200,000 kundiin katunga sa maong pondo i-alokar sa lima ka Presidential scholars per barangay.
Kundiin, ang matag iskolar makadawat sa P20,000, samtang ang P100,000 mahimong gamiton sa mga panginahanglan sa kominidad.
