Gihupay ni Federation of Free Workers (FFW) – National Presidente Sonny Matula ang kabalaka sa kapin 300 ka mga trabahante nga nawad-an sa trabaho sulod sa Sanjia Steel Corporation.
Sa pakighinabi sa BOMBO RADYO, miingon si Matula nga adunay aktibong labor unions nga naglihok sa Misamis Oriental sama sa unyon sa Philippine Sinter Corporation, Macajalar Labor Union ug PICMA Union, nga mahimong mu-abag kanila sa hisgutanan legal ug paggiya sa ilang sunod nga mga lakang aron mapahiluna sila sa laing kompanya o sa laing klase sa panginabuhian.
Gani, magpadala sa sulat-petisyon ang FFW sa Department of Labor and Employment (DOLE-X) aron tabangan ang mga nawad-an sa trabaho kay ang nag-unang isyu sa Sanjia mao ang ilegal ug dili luwas nga pagnarbaho, ug segunda ang Department of Health (DOH) nga maoy mususi sa kahimtang sa panglawas sa mga trabahante nga gisuspetsahan nga kontaninado ang lawas sa hungaw sa radioactive elements nga gigamit isip raw materials sa paghimong kabilya o steel bars.
