Mirasyon sa libre ug treated nga tubig ang Flowater Resources Iloilo Inc ug Bombo Radyo Philippines Foundation Inc, nga sakop sa Florete group of companies.
Daku ang pagpasalamat sa lokal nga kagamhanan sa Ilo-ilo sa ayuda nga gitunol sa kompanya nga gipadagan ni Dr Rogelio Florete Jr, ang Chief Executive Officer.
Namahayag si Joy Fantilaga Gorzal, spokesperson sa Iloilo City Mayor’s Office nga kini nga inisyatibo, nagpagaan sa kasakit nga gisagubang sa ilang mga residente nga grabeng naapektuhan sa krisis sa panubig sa syudad.
Hisayran nga ang distribusyon gihimo sa pipila ka lugar aron masiguro nga daghang residente ang makabenepisyo sa maayong kalidad nga tubig.
