Nangamuyo ang United Church of Christ in the Philippines (UCCP) nga magpabiling patas ug matinud-anon sa Konstitusyon ang mga senador isip hukom sa umaabot nga impeachment trial batok ni VP Sara Duterte.
Gibutyag Rev. Rey Alejandro Lazaro sa UCCP, importante nga ang paghukom sa mga senador dili ibase sa personal nga interes o politikal nga panig, kondili mag-agad sa mga ebidensya ug prinsipyo nga ipresentar sa prosecution atol sa impeachment proceedings.
Dugang pa niini nga ang labing maayong buhaton sa mga magbabalaod mao ang pagtuman sa ilang responsibilidad subay sa balaod ug sa ilang konsensya isip mga public officials.
Gipasabot usab ni Lazaro nga ang pag-ampo sa simbahan naka-focus sa maayong paggiya sa mga lider aron malikayan ang impluwensya sa partisan politics sa sensitibong proseso.
