Nagpadayon ang pakigbisog sa mga mamumuo sa sektor sa BPO alang sa katarungan ug pagpauswag sa kahimtang sa ilang panarbaho.
Gipadayag ni Mylene Cabalona, ang National President sa BPO Industry Employees Network, nga dakong hagit alang sa mga trabahante ang isyu sa seguridad sa panarbaho ug mental health tungod sa pagpabaya sa pipila ka mga kompanya.
Busa, nanawagan siya sa hingtungdan nga ahensya sa gobyerno nga seryusohon ang pag-aksyon sa tanang reklamo nga giduso sa mga empleyado aron maprotektahan ang ilang katungod.
Ilabi na niini, gipamugos sa grupo nga gikinahanglan ang padayon nga pag-organisa aron maseguro nga madungog ang tingog sa matag mamumuo batok sa mga dautang polisiya.
Sa maong bahin, pasalig sa pangulo sa BIEN nga dili sila mohunong sa pag-asdang alang sa mga reporma bisan pa sa mga pagsulay nga giatubang sa industriya matag adlaw.
