Gidepensahan sa bag-ong Senate Blue Ribbon Committee Chairman nga si Senador Erwin Tulfo ang gihimong reorganisasyon ug sesyon sa Senado nga legal ug nakabase sa desisyon sa Korte Suprema.
Matod pa niya, gihimo kini tungod sa giingong “paglapas sa Konstitusyon” human gibalewala sa kanhi majority bloc ang lagda sulod sa tulo ka sunod-sunod nga adlaw nga walay sesyon.
Gipasabot ni Tulfo nga duna nay precedent niini niadtong 1949 sa kasong Avelino versus Cuenco, ingon man niadtong 2017 sa panahon ni kanhi Senate President Franklin Drilon diin nakab-ot gihapon ang quorum bisan 12 lang ka senador ang mitambong.
Hisayran nga malampuson nga nadayon ang sesyon tungod sa pagtambong ni Senador Chiz Escudero nga sakop sa kanhing mayorya.
