Gikasubo sa Cagayan de Oro Press Club ang kinatibuk-ang pamahayag ni Senador Marcoleta nga nag-ingon nga daghang mga sakop sa media ang mga bayaran.
Subay niini, gibutyag ni Hanne Pisos, ang presidente sa maong organisasyon, nga naghimo na sila og board meeting aron tukion ang maong isyu.
Apan, napiling dili una mopagawas og opisyal nga pamahayag ang mayoriya sa mga sakop sa press club ning higayuna. Gipatin-aw ni Pisos nga bisan pa man sa ilang kaguol, andam gihapon silang mopatuman og due process sa bisan unsang reklamo basta may igong ebidensya.
Dugang pa niini, dili usab ikalimod ang kamatuoran nga adunay pipila ka mga sakop sa prensa nga nalambigit sa giingong pagkadawat og bayad.
