Gipadayag ni Atty. Franklin M. Quijano sa PDP Laban Iligan City nga ang pagpili sa liderato sa Senado kinahanglang magbase sa atong batakang balaod ug dili lamang sa kaugalingong rules sa organisasyon.
Subay sa gipamahayag sa abogado, ang balaod nagtakda og kinahanglanon nga majority sa tanang mga senador ang dapat makab-ot aron mapili ang lider sa maong lawmaking body.
Dungan niini, iyang gipasabot nga dili mahimong legal nga rason ang pag-isip nga quorum ang usa ka grupo aron makadesisyon sa pagpili sa Senate President kung wala maabot ang gikinahanglan nga gidaghanon.
Hinuon, gipunting ni Atty. Quijano nga dili usab mahimong isakripisyo ang pagtuman sa konstitusyon pinaagi sa pagdili sa uban nga makaboto aron lang paboran ang usa ka panig.
Busa, nanawagan siya nga tun-an pag-ayo ang maong isyu aron masiguro nga magpabilin ang legalidad sa mga aksyon sulod sa Senado.
