Gitin-aw ni Bishop Joseph Lagumbay sa Catholic Universalist Church of Asia Pacific nga ang selebrasyon sa pride month nagsimbolo sa panaghiusa sa mga sakop sa LGBT community.
Subay sa iyang pamahayag, ang maong kalihokan gihimo sa mga miyembro aron mangayo og respeto ug equality gikan sa katilingban ug sa gobiyerno.
Dugang pa niini, giklaro sa obispo nga dili angayan nga hukman ang tibuok komunidad base lamang sa binuhatan sa pipila ka mga indibidwal nga wala nagpakita og maayong pamatasan.
Hinuon, gipunting niya nga gikinahanglan sa mga sakop sa maong sektor ang pagpangayo og proteksyon pinaagi sa pride parade tungod kay wala pa silay igong balaod nga nag-protekta kanila sa pagkakaron.
Sa ulahi, gipahinumdoman ni Bishop Lagumbay nga ang maong praktis nagsugod pa kaniadto sa New York ug karon gisunod na sa nagkadaiyang mga nasod matag buwan sa Hunyo.
