Miingon si Senador Alan Peter Cayetano nga una unta niyang daygon si Senador Sherwin Gatchalian tungod sa iyang pahayag nga 16 ka boto ang gikinahanglan aron ma-convict ang usa ka impeachable officer.
Apan, gisaway ni Senador Alan Peter Cayetano ang nagkausab nga pamahayag ug lagda sa Senado kalabot sa gikinahanglang boto alang sa impeachment conviction.
Matod niya, ang maong mga kalibog nagpakita sa seryosong isyu sa pagsalig o trust nga maoy nagkupot sa kalig-on sa mga institusyon sa gobyerno.
Gipasabut sa senador nga ang Konstitusyon nag-ingon nga 16 ka boto ang kinahanglan, apan adunay pagsulay nga usabon ang formula aron lang masiguro ang personal ug politikal nga interes.
Alang kaniya, ang pagmanobra sa mga patakaran ug ang pagpamakak ngadto sa publiko makaguba sa pagsalig sa katawhan sa tibuok kagamhanan. (riza budlao)
