Magpatabang ang buhatan sa Cagayan de Oro Water District (COWD) sa mga konsumante alang sa pagpalambo sa ilang serbisyo.
Sumala ni Dr. Gerry J. Caño, kinsa board of director sa COWD, busa gikatakda na ang mga public hearing sa pili nga mga barangay sa syudad.
Butyag niya ipahigayon ang maong mga konsultasyon karong Hunyo 24 sa Balulang Covered Court sa alas-nuwebe sa buntag ug sa Carmen Covered Court sa alas-dose sa hapon.
Dugang pa niya , pagkasunod adlaw, sa Hunyo 25, ipadayon ang mga hearing diha sa Barangay Tablon ug Barangay 24 Covered Court.
Gipasabot ni Dr. Caño nga gikinahanglan kini nga umento sa bayranan tungod kay walay nadawat nga pinansyal nga suporta ang ahensya gikan sa lokal ug nasyonal nga kagamhanan.
Tungod niini, nanawagan ang opisyal sa mga konsumante nga sabton ang maong sitwasyon aron hingpit nga mapalambo ang kalidad sa tubig nga giserbisyo sa dakbayan.
