Gipahayag ni Bishop Joseph Lagumbay sa Catholic Universalist Church of Asia Pacific nga kinahanglan pa ang dugang pag-polish sa SOGIE Equality Bill tungod sa mga bahin niini nga gikonsiderar nga vague ug padayon pa nga gidebatehan.
Lakip sa gipunting sa obispo mao ang padayong panaglalis mahitungod sa paggamit sa CR nga usa sa mga nag-unang isyu sa maong balaodnon.
Bisan pa niini, gipadayag usab niya ang iyang suporta sa daling pagpasar sa maong balaod aron mahatagan og gikinahanglang proteksyon ang mga hingtungdan.
Apan, gihatagan usab og gibug-aton ni Bishop Lagumbay nga gikinahanglan pa ang lawom nga paghisgot ug pagplansa sa mga probisyon sa balaod sa dili pa kini hingpit nga ipatuman.
Sa pagkakaron, iyang giawhag ang mga magbabalaod nga sulbaron una ang mga problema ug mga pangutana nga naglibot sa maong isyu aron mahimong malampuson ang pagpasar niini.
