Gipadali na sa Philippine Coast Guard ang paghatod sa ayuda gamit ang ilang mga barko ug aircraft aron daling makaabot sa mga dapit nga grabeng naigo sa kalamidad.
Lakip sa ilang gi-transport ang dul-an 60 ka kahon sa family food packs gikan sa DSWD ug mga medical personnel sa DOH para sa dinalian nga serbisyong medikal sa mga apektadong lugar.
Dako sab ang natabang sa Philippine Coast Guard Auxiliary nga nagpahulam sa ilang mga motorboat ug fishing boat aron makalusot ang mga suplay bisan sa lisod nga agianan.
Mismo ang mga sakop sa PCG ang nagkugi sa paghatod sa 1.5 ka tonelada nga ayuda lakip na ang tubig, hygiene kits, ug mga higdaanan ngadto sa mga biktima sa Glan, Sarangani.
Padayon ang ilang operasyon aron masiguro nga walay mabiyaan nga nanginahanglan sa maong dapit.
