Gisugat ni Presidente Ferdinand Marcos ug First Lady Liza Marcos sa Kalayaan Grouns si German President Frank Walter Steinmeier alang sa iyang duha ka adlaw nga state visit sa Pilipinas.
Gihatagan sa full military honor ni Marcos ang presidente sa Germany.
Ang pagbisita ni German President Frank-Walter Steinmeier sa Pilipinas usa ka makasaysayang panghitabo kay mao kini ang unang state visit sa usa ka German Head of State sukad pa sa 1963.
Gihatagan siya ni Marcos Jr. sa full military honors isip simbolo sa lig-on nga relasyon sa duha ka nasud.
Ang diplomatic relations sa Pilipinas ug Germany nagsugod pa sa 1954 ug gipahugtan pag-ayo sa 70th anniversary celebration niadtong 2024.
Ang Germany mao ang pinakadako nga trading ug investment partner sa Pilipinas sa European Union, diin daghang German companies sama sa Siemens ug Lufthansa Technik ang naa sa nasud.
Ang duha ka gobyerno nagtinabangay usab sa renewable energy, maritime cooperation, ug peacebuilding sa ASEAN.
Hisayran nga kini nga pagbisita nagpalig-on sa strategic partnership sa Pilipinas ug Germany nga nagtan-aw sa mas lawom nga kooperasyon sa ekonomiya, seguridad, ug klima.
