Legal ang pagpahigayun sa committee hearing sa gawas sa buhatan sa Senado matod pa ni Atty. Angel Lim.
iyang interbyu sa Bombo Radyo gipasabot sa kanhi Provincial Administrator nga adunay gahum ang mga committee chairman nga magtakda og lokasyon sa ilang mga pagdungog gawas sa Senate Chamber subay sa lagda sa maong institusyon.
Gihatagan usab og gibug-aton ni Atty. Lim nga balido ug legal ang mga record nga makuha gikan niini nga mga hearing .
Butyag niya dili usab bag-o kini nga praktis tungod kay bisan ang mga magbabalaod sa Kongreso kaniadto nagpahigayon na usab og susamang mga tigom sulod sa mga hotel dinhi sa Cagayan de Oro.
Sa katapusan, giklaro sa abogado nga walay angay ikabalaka sa maong lakang sa grupo nila ni Senator Pia Cayetano kay tinud-anay kining kabahin sa opisyal nga gimbuhaton sa Senado.
