Kinahanglan mapadayon ni Senate President Alan Peter Cayetano ang flood control investigation aron mas mapadayag sa publiko ang kamatuoran sa pagbahin bahin sa pondo gikan sa maong mga proyketo.
Kini ang gibutyag ni Atty. Ferdinand Topacio sa PDP-Laban human nagtinguha usab kini nga masayran ang dugang kamatuoran gikan sa dugang mga testigos nga mipatim-aw samtang nagsaka ang ihap sa mga kanhi ug kasamtangang opisyal sa gobyerno ang nalambigit subay sa testamento sa mga kanhi 18 marines nga nagsilbing maleta boys ni kanhi Kongresista Zaldy Co.
Hisayran nga kagahapon, halos pugngan sila nga pasudlon sa events place sa Mandaluyong ug namulong pa ang naghawid sa venue nga walay mahitabong political gathering sa ilang lugar.
Hinoon, bisan wala mahinayon ang blue ribbon hearing kay walay mipatim-aw nga senador, gihinayon gihapon sa mga abogado sa mga testigos ang ilang inquiry ug pagpadayag sa publiko sa mga nasayran sa mga gisugo ni Co nga tighatud sa maleta.
