Gi-anunsyo sa Mynt, Inc., ang fintech pioneer nga nagdala sa GCash, nga gi-aprobahan na sa Board of Directors ug shareholders ang pagsumite sa registration statement sa Securities and Exchange Commission (SEC) ug aplikasyon sa Philippine Stock Exchange (PSE) alang sa posibleng Initial Public Offering (IPO).
đź“Ś Detalye sa IPO:
- Ang ihalad nga shares katumbas sa 12% sa total outstanding capital stock post-IPO.
- Ang shares maglangkob sa primary ug secondary offers.
- Kada common share adunay par value nga ₱0.03.
Giingon ni Mynt President ug CEO Martha Sazon nga ang IPO mao ang sunod nga lakang sa “growth journey” sa kompanya human kini mahimong pinakadako nga finance superapp sa Pilipinas. “Over the past decade, Mynt has evolved from an e-wallet operator into the Philippines’ number one finance superapp and largest cashless ecosystem,” matud pa niya.
Ang GCash, nga nagsugod isip SMS-based remittance service kaniadtong 2004, karon nagserbisyo sa milyon-milyong kustomer, merchants, ug enterprise partners sa lain-laing digital finance solutions sama sa payments ug lending.
Ang IPO sa Mynt gi-tan-aw nga usa ka milestone nga makahatag og inspirasyon sa uban pang Filipino startups ug makapromote sa Pilipinas isip hub sa fintech ug teknolohiya sa Southeast Asia.
Ang kompanya nagpasabot nga dugang nga detalye ipahibalo sa hustong panahon ug subject gihapon kini sa requirements sa SEC ug PSE, market conditions, ug governance approvals.
