Gikasuhan sa mga otoridad sa Amerika ang 5 ka mga indibidwal tungod sa giingong plano nga atakehon ang usa ka UFC Fight Night event nga gikatakdang ipahigayon sa White House.
Base sa impormasyon gikan sa FBI ug Secret Service, nadiskubrehan sa mga operatiba ang mga mensahe sa mga suspek nga nagplano sa paggamit og drones ug mga armado nga tigpusil aron targeton ang maong kalihokan. Usa sa mga gikasuhan mao ang 19-anyos nga si Tycen Proper.
Nasayran nga ang inahan ni Proper mismo ang mitawag sa kapulisan niadtong Hunyo 10, human siya nakamatikod sa mga kadudahang plano sa iyang anak.
Kini nga tip ang nag-aghat sa mas lawom nga imbestigasyon nga miresulta sa pagkaaresto sa 5 ka suspek.
Sa pagkakaron, nagpadayon ang legal nga proseso batok sa mga dinakpan. Bisan pa sa mga seryosong akusasyon, giisip pa silang inosente samtang wala pa kini mapamatud-i sa korte
