Giklaro ni Miguel Bernard G. Daitia Digital Media Public Assistance Office sa LTO Region 10 nga hangtod karon wala silay nadawat nga dagkong reklamo kalabot sa mga anomaliya o mga report nga adunay pagpangilkil nga gihimo ang ilang mga enforcer sa dalan.
Subay niini, gipasabot ni Daitai nga kanunay nga nagpahimangno ang ilang regional director sa mga traffic enforcer nga likayan ang bisan unsang matang sa ilegal nga binuhatan ug siguruhon ang kanunay nga pagsunod sa tukmang protocol.
Tungod niini, giawhag ni Daitia ang publiko nga aduna may mga reklamo nga mudulog lang direkta ngadto sa ilang buhatan aron mahatagan og tukmang asistensya.
Gipasalig usab sa ahensya nga ilang gipaningkamotan ang paghupot sa integridad ug tarong nga serbisyo alang sa katawhan.
