Subling gipakita ni Tennis star Alex Eala ang iyang kahanas human niya napildi ang World No. 2 nga si Elena Rybakina, 7-5, 6-4, sa Berlin Open.
Sa maong dula sa WTA 500 tournament, nakulang si Eala sa sinugdanan sa first set ug nahulog pa sa 1-4 batok kang Rybakina nga nailhan sa iyang kusog nga serve.
Apan wala magpalupig ang 21-anyos nga Pilipina ug nakabawi pinaagi sa sunod-sunod nga kadaugan sa mga game aron makuha ang first set, 7-5.
Sa second set, si Eala ang unang nakalamang sa 4-2, apan nakaduol pag-usab si Rybakina. Bisan pa niana, nagpabilin nga lig-on ang Filipina ug gitapos ang dula sa 6-4 human sa 1 oras ug 32 minutos.
Tungod sa maong kadaugan, misulod si Eala sa quarterfinals sa torneo ug didto iyang atubangon si Elina Svitolina.
