“Common sense”, mao kini ang tubag ni Senator Pia Cayetano human gipangutana kung supurtado ba niini ang bag-ong liderato.
Gibutyag sa senadora nga giila sa minoriya ang bag-ong liderato ubos sa pagpangulo sa bag-ong Senate President nga si Senador Sherwin Gatchalian.
Gidawat usab niini nga dili na sila ang mayoriya human nakamugna og quorum nga 13 ka senador ang pikas bahin. Matod niya, basta nasunod lang ang mga regulasyon ug ang Konstitusyon, wala silay problema niini.
Sa pikas bahin, nagpaabot sa dakong pasalamat si Senador Bong Go ngadto sa iyang mga kauban sa minorya, ilabi na kang kanhi Senate President Alan Peter Cayetano.
Gidayeg ni Go ang iyang mga kauban tungod sa pagbarog sa ilang prinsipyo ug sa pagpabilin sa ilang grupo taliwala sa kausaban sa Senado.-
