Importante nga maprotektahan ang mga batan-on o teenager sa online nga kalibutan.
Sa gilusad nga Screen Smart sa Meta, gipamugos ni Undersecretary Angelo Tapales, Executive Director sa Council for the Welfare of Children (CWC) ang kahinungdanon sa pagpalig-on sa mga paningkamot aron dili basta-basta maabusuhan ug malingla ang mga bata sa paggamit sa social media platforms.
Lakip sa iyang gipasabot ang Republic Act No. 11930 o ang Anti Online Sexual Abuse and Exploitation of Children o OSAEC ug Anti Child Sexual Abuse or Exploitation Materials o CSAEM Act.
Iyang gipamugos nga insakto ang timing sa implementasyon niini samtang daghan pa ang mga kabatanonang aktibong naggamit sa social media platforms.
