Gilauman ang dakong rollback sa presyo sa lana sunod semana gumikan sa kasabutan tali sa Estados Unidos ug Iran, matod pa sa Department of Energy (DOE).
Gipahayag ni Rino Abad, ang direktor sa DOE Oil Industry Management Bureau, nga bisan tulo pa lang ka adlaw ang trading karong semanaha, dako na ang naitala nga pagkunhod sa presyo sa kada baril sa mga produktong petrolyo.
Tungod niini, gipaabot nga ang presyo sa gasolina mahimong mobaba na sa range nga 70 ngadto sa 80 pesos matag litro.
Dugang pa ni Abad, kon mapadayon ang pagsunod sa US ug Iran sa ilang 60 ka adlaw nga kasabutan, posibleng mobalik na ang suplay ug presyo sa lana sa lebel niini sa wala pa ang krisis.
Sa pagkakaron, padayon gihapon ang pagbantay sa DOE sa sitwasyon sa Middle East aron masiguro ang kalig-on sa presyo sa lana.
