Ibalhin sa South Korea ang ilang gitawag nga “civilian control line” mas duol sa utlanan sa North Korea aron mahatagan og dugang kagawasan sa paglihok ang mga lokal nga residente.
Matod ni Defense Minister Ahn Gyu-baek, i-atras ang maong linya og gibanabanang 3.7 ka milya agi og tubag sa dugay nang hangyo sa mga lumulupyo.
Gihimo kini nga kausaban tungod sa mas milambo nga kaandam sa depensa sa nasod ug sa pagkausab sa kahimtang sa seguridad karong panahona.
Sa pagkakaron, moabot ngadto sa 6.2 ka milya gikan sa opisyal nga utlanan ang gidili nga dapit diin kinahanglan pa og pagtugot sa militar una makasulod.
Bisan pa man sa tinguha sa gobyerno ni Presidente Lee Jae-myung nga pakunhuran ang tensiyon, nagpadayon gihapon ang ingong pag-samok sa North Korea ngadto sa South. (RIZA BUDLAO)
