Walay plano si House Majority Leader Sandro Marcos nga mopasaka og kaso batok sa mga gitawag nga “Maleta boys” nga nagpaluyo sa giingong destabilisasyon sa kagamhanan.
Sumala ni Marcos, dili “worth it” o dili mapuslanon ang paghatag sa oras niini, ug mahatagan lang hinuon og ‘publicity’ ang maong grupo.
Gawas niini, wala usab gihatagan og bili sa House Leader ang mga pamahayag sa mga testigo nga iyang gitawag nga “Fake Marines.”
Gipaniguro sa batan-ong magbabalaod nga walay kredibilidad ang maong mga alegasyon batok sa administrasyon.
Mahibaloang gipamugos niyang imbes nga hatagan og pagtagad ang maong isyu, mas importanteng ipadayon ang ilang trabaho aron makahatag og kaayohan sa katawhang Pilipino. (riza budlao)
