Giangkon sa Department of Information and Communications Technology (DICT) nga wala silay direktang gahom sa pagtangtang sa mga fake news sa nagkalain-laing online platforms.
Tungod niini, gitugyan sa kalihim sa ahensiya ang maong responsibilidad ngadto sa mga social media companies pinaagi sa paggamit sa Artificial Intelligence (AI) aron mabatukan ang misinformation.
Matod pa, makasala na og hangtod 98% ang AI sa mga bakak nga impormasyon sa mga platform subay sa ilang community standards.
Apan nahimong hagit gihapon ang nahabiling 2% nga nakalusot kay dali kining mabalhin ug mokatap sa ubang aplikasyon sama sa Viber.
Hisayrang giklaro sa DICT nga ang ilang mabuhat lamang mao ang pagtawag sa atensiyon sa mga platforms aron sila mismo ang motangtang sa maong mga content. (riza budlao)
