“Unsay among krimen?”
Kini ang subling pangutana ni Pat Jared V. Pangantihon sa Philippine Movement for Climate Justice (PMCJ) Mindanao, tungod kay alang kaniya, wala silay gihimong supak sa balaod.
Matod ni Pangantihon, ang presensya sa kapolisan samtang nagpadayon sila og pakigdayalogo sa Department of Agrarian Reform (DAR) Region 10, usa ka porma sa pagpanghadlok sa ilang grupo.
Gipatin-aw niya nga ang ilang panaghisgot sulod sa buhatan giisip nilang “confidential,” hinungdan nga nakurat sila sa kalit nga pag-abot sa mga awtoridad.
Dugang pa niya, nakapadala na sila og complaint letter aron mangayo og katin-awan kung kinsa ang nag-request sa imbestigasyon batok kanila.
Sa pagkakaron, naghulat ang grupo sa opisyal nga tubag samtang padayon nilang gidepensahan ang ilang katungod sa malinawon nga pagtapok ug pagpahayag. (JANE ABULAG)
