Nanawagan ang lay theologian nga si Wilson C. Amad ngadto sa Commission on Human Rights nga aksyonan na ang pag-abuso sa mga residente sa Mabuaya Zone 2 B.
Gibutyag niya nga hantpod karon nagpuyo sa dakong kahadlok ang gibana-banang 300 ka pamilya human gi-isyuhan sila og notice nga putlan og kuryente bisan pa og wala kini hisguti nga temporaryo lamang sukad pa niadtong 2024.
Subay sa iyang pagsusi, gigamit lamang ang rason nga wala na mosugot ang tag-iya sa luna isip pasangil aron mawad-an og kahayag ang mga residente nga dili gihapon mupahawa sa maong lugar.
Puno sa kabalaka usab si Amad kay ang mga padre de pamilya sa maong dapit dili na mouli sa ilang mga panimalay tungod sa kahadlok nga tam-nan sila og mga ebidensya atol sa sunod nga posibleng pag-raid sa kapolisan.
Busa, gipahimangnoan niya ang mga residnte nga dili na magsalig sa mga politiko kay wala bisan usa kanila nga mitabang sa ilang lisod nga kahimtang.
