Gihingusgan sa Stonewall Philippines, pinaagi sa ilang convenor nga si Matty Rebulado, nga ang pagselebrar sa pride month usa ka porma sa protesta ug dili lang mahitungod sa kasadya.
Gitin-aw ni Rebulado nga gikinahanglan gayod nga ipadayon ang pagpaningkamot aron mapasar ang mga polisiya ug mahatagan na sa ilang mga katungod ang LGBTQ+ ug ang kinatibuk-ang katawhan.
Dugang pa niya, kini nga panawagan alang sa protesta naglangkob dili lang sa ilang sektor kundili lakip na ang tanang katawhang Pilipino karong buwan sa Hunyo.
Tungod niini, nanawagan ang grupo nga dili lamang kutob sa selebrasyon ang pag-obserbar sa maong bulan.
Gihingusgan usab niini nga ang ilang tumong mao ang pagdala sa ilang mga mithi sa usa ka mas lawom nga lebel sa panawagan alang sa katilingbanong kausaban.
