Giawhag ni Matty Rebulado, convenor sa Stonewall Philippines, ang tanang local government units nga maghimo og kaugalingong mga bersyon sa anti-discrimination ordinance samtang wala pa hingpit nga mapasa ang SOGIE equality bill sa nasudnong lebel.
Hinuon, gipadayag ni Rebulado nga kining mga lokal nga balaod dili lang para sa mga sakop sa LGBTQ+ community kondili alang usab kini sa proteksyon sa tanang mga katawhang Pilipino.
Dugang pa niya nga importante usab ang makanunayong pagduso sa House of Representatives ug sa Senado aron mahatagan og prayoridad ang dugay na nga natanggong nga SOGIE equality bill.
Hinuon, gibutyag niini nga kasagaran ma-disapprove o ma-junk ang maong balaod panahon sa plenary session sa dihang moabot na kini sa second reading.
Tungod niini, nanawagan siya sa mga opisyal ug sa katawhan nga maghiusa sa pag-orient ug pag-organisar aron masiguro ang hingpit nga suporta alang sa maong katuyoan.
