Magpadayon ang pre-trial conference para sa impeachment trial ni Vice President Sara Duterte, karon adlawa, Hunyo 22.
Giandam sa duha ka kampo ang pagmarka sa mga ebidensya sa dili pa magsugod ang pormal nga hearing sa Senado.
Ang pre-trial nagsilbing inisyal nga pulong sa defense ug prosecution panel sa dili pa molingkod ang mga senador isip impeachment court.
Ang aktuwal nga impeachment trial gitakdang magsugod sa Hulyo 6.
Sa pagkakaron, gi-review ug giandam pa sa duha ka kampo ang mga dokumento nga may kalabotan sa upat ka articles of impeachment batok sa Bise Presidente, lakip ang alegasyon sa misuse of funds, unexplained wealth, bribery, ug uban pang akusasyon.
Namahayag si Atty. Michael Poa, abogado sa depensa ni VP Sara nga nahuman na nila ang pagmarka sa ebidensya para sa pipila ka bahin sa kaso, apan nagkinahanglan pa sila ug dugang nga panahon alang sa mas daghang dokumento nga may kalabotan sa mas komplikado nga mga isyu.
Samtang, gipangulohan sa Senate Secretariat ang proseso isip impeachment court, ug aktibong misalmot ang prosecution panel gikan sa House of Representatives.
Sumala sa House prosecution team, napasa na nila ang ilang pre-trial briefer ug mga dokumento alang sa mga senator-judges.
Giingon usab sa panel nga nakatutok sila sa pag-andam sa ebidensya ug dili sa ihap sa boto nga gikinahanglan para sa hatol, kondili sa klaro nga pagpresentar sa ebidensya.
Mahinumduman nga si VP Duterte gi-impeach niadtong Mayo 11 human makakuha SA 257 ka boto sa ubos nga Kapunungan sa Kongreso, may kalabotan sa alegasyon sa sayop nga paggamit sa pondo ug uban pang isyu.
