Gipalanog sa grupong Save Bangsamoro Movement ug uban pang Muslim groups nga sulbaron na ang mga naka-ungot nga mga petisyon kalabot sa Bangsamoro Autonomous Region in Muslim Mindanao (BARMM) Elections
Namahayag si Bai Sharifa Mastura sa Sultan Kudarat Descendants Organization of the Philippines nga ang dili pagresolba sa korte makapaluya sa kredibilidad sa eleksyon ug makadaot sa tiwala sa katawhan.
Gipahayag usab sa mga lider nga kung sayop ang districting, mahimong sayop ang boto ug sayop ang resulta sa Parliament.
Namugos usab si Mastura nga ang mga probisyon sa Bangsamoro Autonomy Acts dili patas ug makadaot sa representasyon sa mga botante, ilabi na sa districting ug sa “not deemed resigned” rule nga makapabor sa mga incumbent officials.
Ila usab gihangyo nga i-tratar ang Bangsamoro Transition Authority (BTA) nga “default” tungod sa kakulang sa tubag sa petisyon.
Kini nga isyu kritikal tungod kay ang unang regular parliamentary elections sa BARMM gitakda sa Setyembre 2026 ug gikinahanglan nga masiguro ang patas ug ligal nga proseso.
