Gisusi ni Stella S. Ferrarez, usa ka Life Coach, ang posibleng hinungdan nganong makahimo og seryosong krimen ang mga bata sama sa gibuhat sa 2 ka grade 9 student dadto sa syudad sa Tacloban.
Matod pa niya, sagad sa mga kabatan-onan nga makahimo og ingon niini nga salaod adunay gitawag nga conduct disorder gumikan sa ilang nasinati nga pagpang-abuso o kanunay nga pagkakita og mga bayolenteng panghitabo sa ilang palibot.
Dugang pa ni Ferrarez, tungod sa maong mga kasinatian, nahimo nang normal alang kanila ang pagpanakit nga maoy paagi nila sa pag-release sa ilang natigom nga tension.
Bisan pa man og nasabtan sa mga bata ang ilang gibuhat, butyag niya naglisod sila sa pagpugong sa ilang hunahuna ilabi na kung bation na sila og kasuko o tinguha nga manimalos.
Busa, gitin-aw sa maong eksperto nga ang mga batan-on nga adunay anti-social tendencies kinahanglan gayod nga masabtan aron mahatagan og tukmang pagtagad ug rehabilitasyon.
