Usa ka positibong kalamboan alang sa nasod ang pagpadayon sa impeachment process batok kang Bise Presidente Sara Duterte sumala pa ni Rauf Sissay gikan sa Bagong Alyansang Makabayan (BAYAN).
Bisan pa niini, gipadayag ni Sissay nga gi-manage lamang nila ang ilang mga expectations tungod kay ang kasamtangang sistema sa politika sa Pilipinas dugay na nga nag-alagad sa interes sa mga dagkong politiko, korporasyon, agalon nga yuta, ug mga elite sa katilingban.
Tungod niini, hugot nga nagpahimangno ang BAYAN nga magpabiling vigilant ug kritikal ang publiko sa maong proseso nga kasamtangang anaa sa Senado.
Gipasabot usab niini nga inuban sila sa uban pang mga progresibong pundok gikan sa nagkalain-laing rehiyon sa nasod sa pagmonitor sa maong impeachment trial.
Subay sa gipadayag ni Sissay, tumong nila nga masiguro nga dili lamang personal nga interes sa mga gamhanan ang maghari sa maong legal nga lakang.
