Posibleng mahimong madugoon ang mahitabo sa impeachment trial batok kang Bise Presidente Sara Duterte, sumala pa sa pahayag ni Rauf Sissay sa Bagong Alyansang Makabayan.
Gipunto ni Sissay nga bug-at ang mga alegasyon batok sa bise presidente sama sa pag-lustay sa 612 milyones pesos nga confidential funds sa OVP ug DepEd nga gisuportahan sa mga findings sa Commission on Audit.
Dugang pa niini, gihisgutan usab ang giingong wala gideklarar nga bahandi ni Duterte ug sa iyang bana nga mikabat sa 6.7 bilyones pesos nga naglambigit sa mga kwestiyonable nga transaksyon sa bangko.
Bisan pa man sa pag-file og mosyon sa legal team ni Duterte aron ibasura ang reklamo, gipasiugda ni Sissay nga ang impeachment trial ang pinaka-angay nga venue aron masusi ang kamatuoran sa maong mga pasangil.
