Nanguli na sa ilang puy-anan, ug ang uban namalik na sa ilang probinsya human hingpit nang gidid-an ang mga trabahante sa Sanjia Steel Corporation nga dili na makasulod sa ilang plante.
Kini ang gikompirmar ni Tita Hadman sa Kilusang Mayo Uno (KMU) Northern Mindanao. Gikuwestiyon ni Hadman ang legalidad sa gipahigayong picket sa mga trabahante sa Sanjia.
Siya miingon nga dili makahatag sa igong proteksyon ang ilang lihok tungod kay wala silay pormal nga unyon.
Gikasubo ni Hadman ang nakuha nga report nga walay nakuha nga benepisyo ug pribilehiyo sa mga mamumuo human sila wala na pasudla sa pasilidad.
