Mi-apelar ang grupong National Union of Food Delivery Riders (RIDERS-SENTRO) nga unta dunggon sa mga magbabalaod sa Pilipinas ug sa Department of Labor and Employment (DOLE) ang bag-ong labor standard alang sa mga digital platform workers sa tibook Pilipinas.
Sa exclusive interview sa BOMBO RADYO, miingon si Geoffrey Labudahon nga ilang kalipay kung kini hingpit nga suportahan sa gobyerno, ilabe na sa DOLE human gipakuyanap sa International Labor Organization (ILO) ang
Convention 193.
Gawas niini, aktibo usab silang manawagan sa Senado alang sa ratipikasyon sa maong kasabutan. Tumong niini nga mahimong usa ang Pilipinas sa unang duha ka nasud sa kalibutan nga hingpit nga maratipikar ang bag-ong ILO labor standard nga haom alang kanila.
