Mupahigayon sa duha ka managsunod nga adlaw sa public hearing ang Cagayan de Oro Water District (COWD) kalabot sa ilang gipetisyon nga “water rwate increase”.
Kini ang gibutyag ni Dr Gerry Cano, COWD Chairman of the Board. Miingon si Caño nga adunay managlahing venue sa public hearing sa unang distrito ug ikaduhang distrito.
Kini nga mga hearings tambungan sa Local Water Utilitie Administration (LWUA).
Ang ilang presensya importante tungod kay sila ang magsulat ug mag silbing testigo sa kunsoltasyon nga gihimo sa COWD sa publiko.
Sa Hunyo 24 (Buntag): Balulang Covered Court, sa buntag.
Pagkahapon sa Petsa 24 sa Carmen Covered Court. Sa Petsa 25 sa Buntag sa Barangay 24, ug sa petsa 25 sa Hapon ipahigayon kini sa Tablon Covered Court. Bukas ang hearing sa tanan residente sa lungsod sa Cagayan de Oro.
Mahinumduman nga gusto sa water district ang kinatibuk-ang 68% nga umento (rate adjustment) sa bayranan sa tubig nga target ipatuman sulod sa duha ka tuig.
Bahinon kini sa duha ka hugna kundiin, sa unnang tuig gusto sa COWD sa 40% nga umento kay ang kasamtangang minimum nga bayranan sa residential alang sa unang 10 cubic meters nga ₱218 mosaka ngadto sa ₱294.
Ang umento kada cubic meter kay gikan sa ₱21.84 moadto sa ₱30.58. Sa Ikaduhang Tuig, adunay dugang nga 28% nga umento. Kini makapataas pa sa rate ngadto sa ₱36.70 kada cubic meter.
