Simbolo nga walay gipanigan ang mga nagkalainlaing pundok sa simbahan ug mga organisasyon ang pagpili sa puti nga kolor sa ilang kalihokan karong Hunyo 28.
Gipasabot ni Atty. Luke Espiritu,gikan sa grupong Artikulo XI ug White Ribbon Movement, nga ang puti nga simbolo nagpakita nga dili sila mopahiling og pabor bisan asa nga paksyon sa politika nga naggamit sa isyu sa korapsyon alang sa ilang kaugalingong interes.
Nunot niini, gipunting sa abogado nga dili angay nga mahulog ang isyu sa pagpanubag o accountability ngadto sa mga pundok nga naggamit sa kampanya batok sa korapsyon alang lamang sa ilang kaugalingong agenda.
Bisan pa sa mga puwersa nga gustong manumbalik ang kanhing administrasyon o kadtong nagtinguha nga makita ang salaod sa kasamtangang liderato, nagpabilin ang ilang panawagan nga kinahanglan managot ang tanan nga nalambigit sa bisan unsang matang sa kurapsyon.
Subay niini, gipasiugda ni Atty. Espiritu nga ang tanang mga opisyal, kinsa man sila, kinahanglan pauboson sa hustong proseso sa balaod ug imbestigahan og maayo.
