Hugot nga koordinasyon gikan sa mga school administrators, mga principal ug kapulisan ang gikinahanglan aron malikayan ang susamang trahedya nga nahitabo sa Tacloban City.
Namahayag si PRO-10 Spokesperson Police Major Joann Navarro nga aduna silay direktiba gikan sa ilang Regional Director nga magpadayon sa pagmentinar sa seryosong koordinasyon ug kooperasyon tali sa kapulisan ug sa mga kadagkoan sa eskwelahan.
Tumong niini nga masubay ug ma-estrikto pa ang pagdumala sa seguridad o security management sa matag tulunghaan.
Si Navarro miingon nga bisan pay adunay kaugalingong mga plano ug pamaagi sa seguridad ang matag eskwelahan, magpadayon gihapon ang PNP sa pagsusi niini.
Lakip sa ilang buluhaton mao ang pagtan-aw kung unsa pa nga mga bahin sa maong plano ang kinahanglang usbon o i-revise alang sa kaayohan sa tanan.
