Dobli-tripli ang gihimong monitoring sa Department of Education (DepEd) Region X (Northern Mindanao) human ang duguong atake sa San Jose National High School sa Tacloban City.
Kini ang gibutyag ni Michael Dave Tan, Public Affairs Unit – Information Officer- sa DepEd Region X – Northern Mindanao.
Miingon si Tan nga ila nang gipagpalig-on sa Campus Security, Child Protection ug Pag-atiman sa Estudyante, Mental Health ug Guidance Support ug pakigtambayayong sa LGU ug Barangay.
Tumong niini nga mas mapalig-on pa ang kinatibuk-ang seguridad.
Busa hugot silang nakig-coordinate sa mga Local Government Units (LGUs) ug sa mga lokal nga barangay diin nahimutang ang mga eskwelahan.
