Mihangyo ang House prosecution panel sa dugang mga team ug upat ka adlaw nga ekstensiyon aron mapaspas ang pagmarka sa daghang dokumentaryong ebidensiya sa impeachment case batok kang Bise Presidente Sara Duterte.
Sumala ni lead prosecutor Atty. Gerville “Jinky” Luistro, gikatakda nilang iduso karong adlawa ang ilang manifestation kalabot niini.
Adunay gibanabanang kapin sa 1,900 ka dokumento gikan sa Department of Education ug kapin sa 2,000 ka dokumento gikan sa Office of the Vice President nga may kalabotan sa confidential funds ang kinahanglang susihon sa dili pa ang pagdungog sa Hulyo 6, 2026.
Sa pikas bahin, gihimakak ni Atty. Michael Poa, tigpamaba sa defense team ni Bise Presidente Sara Duterte, ang mga pasangil nga kulang sila sa tawo ug tuyo nilang langanon ang proseso sa pre-trial conference alang sa impeachment.
Gidepensahan usab ni Poa ang ilang desisyon nga markahan og bulag ang ilang mga ebidensya imbes nga isagol kini sa prosekusyon, human nila nadiskubrehan nga adunay kulang nga usa ka panid ang kopya sa pikas kampo.
