Gisusi karon sa Philippine National Police (PNP) ang posibilidad nga adunay grupo nga nag-sulsol o nag-impluwensya sa duha ka menor de edad nga nalambigit sa nahitabong pagpamusil sa Tacloban City.
Subay niini, nagpadayon usab ang lawom nga imbestigasyon sa kapulisan kon giunsa paghupot sa mga suspetsado sa maong mga armas, diin usa ka pulis nga babaye ang mibuluntaryo sa pagpaubos sa imbestigasyon human nga ang iyang kabanay maoy naggamit sa iyang 9mm nga pistola.
Tungod sa maong insidente, gisuportahan sa PNP ang sugyot nga ipaubos ngadto sa 12 anyos gikan sa kasamtangang 15 anyos ang minimum age of criminal responsibility sa nasod. (riza budlao)
