Ipatuman sa Department of Justice (DOJ) ang saktong mekanismo ug proseso ubos sa balaod aron sutaon ang tulubagon sa usa ka menor de edad nga nalambigit sa krimen.
Kini ang pahayag ni Atty Polo Martinez, Assistant Secretary ug Spokeperson sa DOJ, human sa nahitabong duguang pagpamusil sa Tacloban City diin pipila ka mga estudyante ang namatay ug naangol.
Gibutyag sa DOJ nga gisusi pa ang posibilidad nga dili lang yano nga bullying ang rason sa krimen, kon dili basin aduna kini kalabutan sa impluwensiya sa online o porma sa ‘violent extremism’.
Giklaro ni Martinez nga gikinahanglan una nga maplastar ang tanang detalye sa insidente aron sutaon kung unsa nga silot o lakang ang angay nga ipahamtang sa suspetsado.
